Telebistaren Akademiak Africa Baeta saritu du

Africa Baeta Euskal Telebistako aurkezlea Iris sariarekin nabarmendu du Telebistaren Arte eta Zientzien Akademiak ostegun honetan, maiatzak 8. Telebista autonomikoetako albistegietako aurkezle onenaren saria eman diote, hain zuzen ere.

XVI. Iris sari hauek 2013an eskainitako saioen eta profesionalen bikaintasuna saritu dituzte. Sari banaketa ekitaldia ekainaren 10ean egingo da Aranjuezeko Gran Casinoan.

Africa Baetak eskarmentu zabala du Euskal Telebistan. Eguerdiko "Teleberri" albistegiaren aurkezlea da. Horrez gain hainbat albistegi berezi aurkeztu ditu ETBn "Euskadi Pregunta" saioa esate baterako, eta beste programa batzuetan ere egin du lan aurkezle gisa: "Tu Plato Favorito", "Tu Edificio Favorito" eta "Tu vista de Euskal Herria" saioetan,  besteak beste.