telebista
Gaur
Ikastolen Elkarteko presidentea, 'Egun On Euskadi'n eta 'ETB Hoy'n
A.H.
EITB
Koldo Tellituk igande honetako Ibilaldiaren nondik norakoak azalduko ditu.
Gaur, Koldo Tellitu, Ikastolen Elkarteko presidentea elkarrizketatuko dute 'Egun On Euskadi' eta 'ETB Hoy' albistegietan. Datorren igandean, ekainaren 1ean, Gernikan ospatuko den Ibilaldiaz arituko da gonbidatua: 6,5 kilometroko ibilbidea izango du 'Euskararen Bihosfera' lelopean.
ETB1en Estepan Aldamiz-Etxebarriak egingo dio elkarrizketa Tellituri, eta horrez gain, Oskar Rodriguez, Niko Moreno eta Garbiñe Biurrun izango ditu solaskide, goizeko 08:00etatik aurrera.
ETB2n, berriz, Olaia Urtiagaren galderak erantzungo ditu gonbidatuak goizeko 11:45ean, eta ondoren, Silvia Intxaurrondok gidatutako saioak egun-eguneko albiste nabarmenenak aztertuko ditu.
Dantzategiaz, 'Entrada Libre'n
Vanessa Sanchezek, bere aldetik, Jone San Martin dantzari eta koreografoa elkarrizketatuko du 'Entrada Libre' elkarrizketa saioan, eta Dantzategiaz arituko da. 'Dantzategia' , Dantzaz Konpainiak maiatzak 31 eta ekainaren 1ean Egia auzoko kaleetan aurkeztuko duten ikuskizuna da.
