telebista
Zinema ETBn
'La Brujula Dorada' pelikula, gaur gauean, 'LND' saioan
A.H.
EITB
Felix Linaresek aurkezten duen saioak, gainera, 'House' doktorearen inguruko galdera harrigarri bat erantzungo du.
Gaur gauean, 'La Noche de…' saioak La Brujula Dorada pelikula eskainiko du, Phillip Pullman idazlearen eleberri arrakastatsuan oinarritutako familia osoarentzako abentura filma. Norvegiako glaziarretan, Budapesteko kaleetan eta Londoneko tokirik ederrenetan grabatutako pelikula da, eta aktore oso ezagunek parte hartu dute: Dakota Blue Richards, Nicole Kidman, Daniel Craig, Sam Elliot eta Eva Green.
Bestalde, Felix Linares 'House' doktorearen inguruko istorio harrigarri bati buruz arituko da Linea Caliente atalean. Dirudienez, gaixo baten bizia salbatzea lortu zuten, telesailean mediku ospetsuak emandako argibideei esker.
Halaber, El termómetro de La Noche de… atalean lehiatzeko beste bi hautagai aurkeztuko ditu saioak. Alde batetik, Irina Shayk, Cristiano Ronaldoren neskalagunak Hercules-en emaztearen papera egin du zinean. Bestetik, Dwayne 'The Rock' Johnson, filme berean Herculesen papera egiten duen aktore erraldoia.
Amaitzeko, ikus-entzuleek ondo ezagutzen dituzten irletara bidaiatuko du saioak, eguzki bila. ¿Dónde está el Sol? atalean.
'La Noche de… La Brujula Dorada' gaur, asteartea, izango da ikusgai, 22:15etik aurrera, ETB2n.
