telebista
00:15ean
'La Otxoa sin complejos' dokumentalaren estreinaldia gaur, ETB2n
A.H.
EITB
Joseba Gorordok zuzenduta, Jose Antonio Nielfa 'La Otxoa' artista eta abeslariak bere bizitza eta ibilbide profesionala errepasatuko du.
ETB2k La Otxoa sin complejos dokumentala estreinatuko du gaur gauean. Joseba Gorordok zuzenduta, Jose Antonio Nielfa La Otxoa-k bere bizitza errepasatuko du. Bere haurtzaroa Bilboko San Frantzisko kalean pasatu zuen eta laster sartu zen hiriko antzerki munduan. Torremolinosetik Bartzelonara, Estatuko hainbat agertokitan izan da, eta Madrilgo La Movida-ren garaian ere bertan izan zen.
Pertsonaia xelebre, harrigarri, bitxi eta dibertigarri honen erretratua da La Otxoa sin complejos dokumentala. Bere buruaz barre egiten duen gizon honek ezberdina izatearen aldeko borroka egin du beti. Borroka horretan arrakasta handia izatea lortu du, nahiz eta aukeratutako bidea erraza ez izan.
