telebista
22:00etan
'Cuando menos te lo esperas', Jack Nicholsonekin, gaur, ETB2n
EITB
Jack Nicholson, Amanda Peet, Diane Keaton eta Keanu Reeves dira protagonista nagusiak Nancy Meyersek idatzi eta zuzendutako film honetan.
Gaur, gaueko 22:00etatik aurrera, ETB2 kateak Cuando menos te lo esperas filma emitituko du. Nancy Meyersek idatzi eta zuzendutako komedia erromantiko honen protagonistak Jack Nicholson eta Diane Keaton dira. 2003ko film honi esker, Diane Keatonek aktorerik onenaren izendapena jaso zuen Oscar sarietan. Urte berean, Keatonek Urrezko Globoa irabazi zuen komedia aktoreen kategorian.
Cuando menos te lo esperas filmak Harry (Jack Nicholson) eta Marin (Amanda Peet) maitaleen istorioa kontatzen du. Bikotea asteburu bat pasatzera doa Marinen amaren, Erica (Diane Keaton), etxera. Oporraz gozatzen duten bitartean Harry gaixotu egiten da eta Marinek bere amari gaixoa zaintzeko laguntza eskatzen dio. Ericak baiezkoa ematen dio, Harryrekin maitasun istorio korapilatsu bati hasiera emanez. Harry hobetzen denean, etxera bueltatzen da eta egoerak erabaki bat hartzera behartuko du; ordura arteko bizitza eta Ericaren maitasunaren artean.
Gaur, 22:00etatik aurrera, Cuando menos te lo esperas ETB2n.
