telebista
Gaur goizean
Gorka Maneirori elkarrizketa, 'Egun On Euskadi'n eta 'ETB Hoy'n
A.A.
EiTB
Aktualitate politikoa aztertuko dute UPyDko legebiltzarkidearekin.
Gorka Maneiro UPyDko legebiltzarkidea hartuko dute gonbidatu gaur goizean 'Egun On Euskadi' eta 'ETB Hoy' albistegietan. Estepan Aldamiz-Etxebarriak eta Olaia Urtiagak iragan astean Urkullu lehendakariarekin izandako bilerari buruz galdetuko diote Maneirori. Datorren urteko udal eta foru hauteskundeak, bakegintza eta Legebiltzarreko jarduna ere izango dituzte hizpide.
08:00etatik aurrera, ETB1en, 'Egun On Euskadi' saioan, Estepan Aldamiz-Etxebarriak elkarrizketatuko du UPyDko legebiltzarkidea. Jarraian, solasaldiaren txanda izango da, Dani Maeztu, Elena Martinez de Madina eta Maite Iturrate mahaiaren inguruan bilduta.
11:45ean, ETB2n, 'ETB Hoy' saioan, berriz, Olaia Urtiagak egingo dio elkarrizketa, eta, ondoren, Silvia Intxaurrondok gidatzen duen solas-tartea izango da ikusgai.
