telebista
Asteartean
Juan Karlos Izagirre, ETBko goizeko elkarrizketetan
A.E.
EiTB
Besteak beste, alkatetzara berriro aurkezteko asmoaz eta Donostia 2016 proiektuaz hitz egingo du Izagirrek astearte goizean.
Juan Karlos Izagirre Donostiako alkatea hartuko dute astearte goizeko elkarrizketa tartean ETBn. Orain arte udaletxean egindako lanaz galdetuko diote, eta baita Donostiako alkatetzara berriro aurkezteko asmoaz ere. Horrez gainera, Donostia 2016 proiektua une honetan nola ikusten duen aztertuko du. Igeldoren desanexioa eta Karlos I.aren hiribideko sarrera-irteera izango dira jorratuko dituen beste gai batzuk.
'Egun On Euskadi' saioan, Estepan Aldamiz-Etxebarriak egingo dio elkarrizketa, 08:00etan, eta, ondoren, Koldo Bilbao, Patxi Gaztelumendi eta Mikel Aranaren arteko solasaldia izango da. ETB2n, berriz, Olaia Urtiaga kazetariaren galderei erantzungo dizkie 11:40an Izagirrek. Amaitutakoan, Silvia Intxaurrondoren iritzi eta eztabaidarako tartea izango da Miramondik.
