Bigarren Mailako futbola eta Endesa Liga, ETB1en eta eitb.eus-en

Gaur bi futbol partida eta saskibaloiko bat eskainiko dituzte zuzenean ETB1ek eta eitb.eus-ek.

15:45ean hasiko da 'Zilarrezko Futbola' saioa eta honako bi neurketa hauek eskainiko ditu: Athletic B-Sestao River eta Alaves-Alcorcon. Xabier Andueza izango dugu esatari Lezamatik, eta Naxari Altuna eta Iban Bengoetxea Gasteiztik. Juanan Larrañaga aditua izango dute lagun bi emanaldietan.

Eguneko bigarren hitzordua 21:00etan izango da, Bilbao Basketek Sevillaren aurka jokatuko duen Endesa Ligako bosgarren jardunaldiko partidarekin. Asier Arangurenek, Josean Aldalurrek eta Juan de la Vegak egingo dute kontakizuna zuzenean Bilbao Arenatik.

'Gol Festa' saioa ohi baino beranduago hasiko da larunbat honetan, 23:50ean. Jon Elortzak gidatutako saioak Lehen Mailako jardunaldiaren errepasoa egingo du, Real Sociedad-Malaga partidari arreta berezia eskainiz.

Bestalde, eguerdiko 12etan, trinkete emankizuna izango da ETB4n. Tornosolo Kopako finalen berri emango du Iñigo Aiestaranek.