'LND', astearteko ordutegi nagusian nabarmen, % 14,4ko audientziarekin

'La Noche de…' saioa astearteko ordutegi nagusian nabarmendu zen % 14,4ko audientzia zatiarekin. Felix Linaresek aurkeztutako saioak, besteak beste, Matthew McCounaughey aktorearen ibilbide profesionala eta pertsonala errepasatu zituen, bizitza errealean hiltzeko zorian egon diren Hollywoodeko aktoreen istorioak azaldu zituen, eta La sombra del poder filma aurkeztu zuen. 253.000 ikus-entzulek egin zuten bat emanaldiarekin Euskadin eta eragin eremuan.

La sombra del poder filmak ere ikusmin handia sortu zuen: % 12,1eko audientzia zatia eta 284.000 ikus-entzuleko audientzia metatua lortu zituen. Suspentsez beteriko pelikula honek hilketa misteriotsu bat du ardatz, ustelkeria politikoa tarteko dela, eta aktore zerrenda bikaina du: Russel Crowe, Helen Mirren, Rachel McAdams eta Ben Affleck.