telebista
ETB1en eta eitb.eus-en
Real Sociedad B-Athletic B eta Gipuzkoa Basket-Morabanc Andorra, gaur
A.A.
EiTB
ETB1en eta eitb.eus-en jarraitu ahal izango dira bi emanaldiak zuzenean.
-
Doblas, Gipuzkoa Basketeko jokalaria. Argazkia: EFE
Bigarren B Mailan Realak eta Athleticek jokatuko duten derbiarekin ekingo diete ETB1ek eta eitb.eus-ek kirol emanaldiei gaur. Xabier Andueza, Juanan Larrañaga eta Iban Bengoetxea izango ditugu berriemaile zuzenean Zubietatik, 16:15etik aurrera.
'Zilarrezko Futbola' saioa amaituta, 18:30ean, Endesa Ligari egingo diote tartea. Gipuzkoa Basket eta Morabanc Andorra taldeen arteko norgehiagoka izango da ikusgai, Asier Arangurenen, Josean Aldalurren eta Juan de la Vegaren kontakizunarekin.
Jon Elortzak gidatutako 'Gol Festa' saioaren bi edizioek (21:00etan eta 23:50ean) osatuko dute kirol eskaintza. Lehen Mailako 11. Jardunaldiaren errepasoa egingo du, Eibarrek Malagan jokatuko duen neurketari arreta berezia eskainiz.
