Twin Melody abeslariak datoz gaur 'Zuek hor eta gu hemen' saiora

Astearen erdira iritsi gara dagoeneko, eta, nola ez, asteazkenean asteburuari begira jarriko gara. Maria Amolategik Euskal Herriko nahiz nazioarteko musika albisteen eta nobedadeen berri emango digu. ETB1eko "A ze banda!" saioko partaide diren Twin Melody biki ordiziarrak etorriko dira gaur zuzenean abestera.

Asteazkena egun aproposa da tertulia apur bat izateko, eta, ohi legez, Agurne Anasagastik gidatuko du tarte hau. Nagore Osoro, Alex Sardui eta Xanet Arozena izango ditu berriketa-lagun mahaiaren inguruan.

Aisia Orio hoteleko talasoterapian asteburu-pasa bat irabazi nahi? Bi gau zoragarri, gosaria eta talasoterapiarako sarrera zozkatzen ditugu 'Zuek hor eta gu hemen' saioan. Ba al dakizue fraideek ahopean kantatzen duten abestia zein den? Bidali erantzuna eta izen-abizenak 605779540 telefono-zenbakira WhatsApp bidez, eta ostiraleko zozketan parte hartuko duzu.

Hori guztia eta askoz gehiago, 15:40tik aurrera, ETB1en.