telebista
Gaur
Real Union-Rayo Vallecano B eta Mirandes-Osasuna, zuzenean
A.A.
EiTB
Endesa Ligako Gipuzkoa Basket-Bilbao Basket euskal derbia ere bai.
Informazio gehiago (1)
Zuzeneko hiru kirol emanaldi izango dira gaur arratsaldean ETB1en eta eitb.eus-en.
Ohi denez, Bigarren Mailako futbolak zabalduko du kirol eskaintza: 16:00etan, Real Union-Rayo Vallecano partidaren berri emango dute Xabier Anduezak eta Juanan Larrañagakin. Jarraian, Mirandes eta Osasunaren arteko neurketa izango da ikusgai, Naxari Altuna, Juanan Larrañaga eta Iban Bengoetxearen kontakizunarekin.
21:00etan, Endesa Ligako euskal derbiaz gozatzeko parada izango dute saskibaloi zaleek. Gipuzkoa Basket-Bilbao Basket norgehiagokaren ingurukoak ekarriko dizkigute Asier Arangurenek, Josean Aldalurrek eta Juan de la Vegak, zuzenean, Ilunbetik.
'Gol Festa' saioa ohi baino beranduago etorriko da, 23:50ean. Lehen Mailako 14. jardunaldiaren eta Bigarren Mailako 16. jardunaldiaren errepasoa egingo du Jon Elortzak. Arreta berezia eskainiko diote Athletic-Kordoba eta Ponferradina-Alaves partidei.
