telebista
20:00etatik aurrera
Gabon zaharreko kanpaiak Elgoibarren grabatuko ditu, gaur, EiTBk
EITB
EITB
2014ari agurra eta 2015ari ongietorria emango dion EiTBko saioa grabatzeko prest da Elgoibar. Gazteako musika eta 'A ze banda!'ko Random, The Kites eta Twin Melody taldeak ere izango dira bertan.
-
Elgoibar, kanpaietarako prest. Argazkia: Iñigo Lamelas (eitb.eus-eko erabiltzailea)
Gaur gauean, Elgoibarren izango da EiTB, Gabon zaharreko kanpaiak grabatzeko eta 2015 urteari ongietorria emateko. Hori dela eta, Gipuzkoako udalerria festarako prestatzen eta janzten ari da.
Kalegoen plazan, 20:00etatik aurrera, izango den jaia Jon Gomezek gidatuko du, eta, besteak beste, ETB1eko 'A ze banda!' musika-lehiaketako finalerdira heldu diren hiru taldeak igoko dira agertokira: Random, The Kites eta Twin Melody. Bertan, musikak hartuko du lekua, Oihan Vega Gazteako esatariaren eskutik.
EiTBren Gabon zahar gaueko kanpaietan parte hartu nahi baduzue, zoazte Elgoibarrera!
