telebista
21:30ean
'Oskorri Kantatuz' jaialdia, gaur, ETB1en
A.E.
EiTB
Oskorri taldearen abesti ezagunak eskainiko dituzte hirurogei bat kantarik.
Gaur gauean, 21:30ean, ETB1en, Aldudarrak elkarteak Senperen antolatutako 'Oskorri Kantatuz' jaialdia eskainiko da. Oskorri taldearen abestirik ezagunenak kantatzera bilduko dira hirurogei bat kantari, bereziki Aldude Haranekoak. Lau musikariren laguntzaz hogei bat kanta eskainiko dituzte. Ilaski Serranok egingo dio sarrera jaialdiari ETBrako.
Besteak beste, Magali Zubillaga, Izarrak, Maddi Zubeldia, Artxeroak, Amaia Rioupeyrous eta Erramun Martikorenak hartuko dute parte emanaldian. Oskorriko Natxo de Felipe bera ere ariko da kantuan.
'Gaztelugatxe', 'Topa dagigun', 'Kexa eta promesa', 'Furra furra', 'Gora ta gora beti' eta 'Ostatuko neskatxaren koplak' izango dira, besteak beste, entzungai izango diren kantak.
