telebista
Gaur
J. Retegi-Rezusta / Artola-Albisu, zuzenean, ETB1en eta eitb.eus-en
A.A.
EiTB
Goizean, Endesa Ligako Bartzelona-Gipuzkoa Basket partida izango da ikusgai, baita ere zuzenean.
-
Retegi II eta Rezusta
Binakako Txapelketako 11. jardunaldiak J. Retegi-Rezusta / Artola-Albisu partida dakarkigu. 'ETB Kantxa' saioaren barruan izango da ikusgai, Xabier Euzkitze, Joxan Tolosa eta Elena Azpeitiaren kontakizunarekin. Arratsaldeko bostetan hasiko da pilota emankizuna Tainta-Untoria / Jaka-Tolosa norgehiagokarekin.
Eguerdiko 12:00etan, Endesa Ligaren leihoa zabalduko da, Bartzelonaren eta Gipuzkoa Basketen arteko neurketa eskaintzeko. Xabier de la Fuente eta Josean Aldalur izango dira esatariak.
Zuzeneko bi emanaldiak ETB1en eta eitb.eus-en jarraitu ahal izango dira.
ETB1eko kirol eskaintza osatzeko, goizeko 11etan, harri-jasotzaileen Bizi-Iturri sariaren laburpena egingo du Ibon Gaztañazpik. 16:00etako herri kirolen tartean, berriz, goma gaineko Euskadiko sokatira txapelketako finalen (375+600 kg) berri emango du Juanan Legorburuk Jose Luis Garaiar lagun duela.
Ohi denez, 19:30ean hasita, futbol jardunaldiaren errepasoa egingo du Mikel Olazabalek 'Gol Festa' saioan. Euskal taldeen jardunari bereziki erreparatuko diote: goizeko Valentzia-Real Sociedad neurketari eta arratsaldeko Eibar-Athletic derbiari.
Amaitzeko, Lezamako pilota torneoko finalak izango dira ikusgai eguerdiko 12:00etan ETB4n, Juanan Legorbururen eta Enrique Agirrebeitiaren kontakizunaz lagunduta.
