telebista
Gaur
Real Sociedad B-Amorebieta, zuzenean, ETB1en eta eitb.eus-en
EITB
Orioko Nazioarteko Estropada ere zuzenean jarraitzeko aukera izango da.
Real Sociedad B-Amorebieta partida eskainiko dute gaur ETB1ek eta eitb.eus-ek 'Zilarrezko Futbola' tartearen barruan, 18:00etatik aurrera. Xabier Andueza, Juanan Larrañaga eta Iban Bengoetxea arduratuko dira kontakizunaz, zuzenean, Zubietatik.
Aurretik, arrauna izango da ikusgai: 16:00etan jokatuko den Orioko Nazioarteko Estropada. Orioko Arraun Taldearen 50. urtemugaren karietara berreskuratu den aulki mugikorreko probaren inguruko xehetasunak ekarriko dizkigute Juanan Legorburuk eta Ibon Gaztañazpik.
Bestalde, Jon Elortzak Liga jardunaldiaren berri emango du 'Gol Festa'ko bi edizioetan, 20:55ean eta 23:50ean. Luze eta zabal jardungo dira arratsaldean jokatuko den Sevilla-Athletic eta gaueko hamarretako Malaga-Real Sociedad partiden inguruan.
an.