telebista
Gaur
Real Madril Castilla-Sestao River eta Osasuna-Albacete, zuzenean
A.A.
EiTB
Futbolaz gain, Endesa Ligako Montakit Fuenlabrada-Laboral Kutxa partida izango da ikusgai.
Futbolak eta saskibaloiak osatuko dute ETBren gaurko kirol eskaintza.
'Zilarrezko Futbola' saioak (ETB1, 15:45) Bigarren Mailako bi partida eskainiko ditu: Real Madril Castilla-Sestao River, Xabier Anduezaren eta Juanan Larrañagaren kontakizunarekin, eta Osasuna-Albacete, Naxari Altuna, Juanan Larrañaga eta Iban Bengoetxea esatari direla.
Saskibaloi emanaldia ETB4n izango da. Endesa Ligako 30. Jardunaldiari dagokion Montakit Fuenlabrada-Laboral Kutxa norgehiagokaren berri emango dute Asier Arangurenek eta Josean Aldalurrek. Hiru emanaldiak eitb.eus-en zuzenean jarraitu ahal izango dira.
Bestalde, futbol jardunaldiko emaitzen errepasoa, laburpenak eta elkarrizketak bilduko ditu Jon Elortzak 'Gol Festa' saioko bi edizioetan: 20:55ean eta 23:50ean. Bigarrenak, Real Sociedad-Villarreal partida izango du ardatz nagusi.
