telebista
Gaur
Real Madril-Dominion Bilbao Basket, zuzenean, ETB1en eta eitb.eus-en
A.A.
EiTB
Endesa Ligako 30. jardunaldiko norgehiagoka, 12:15etik aurrera.
Real Madrilek eta Dominion Bilbao Basketek gaur jokatuko duten partida, ETB1en eta eitb.eus-en izango da ikusgai, zuzenean, 12:15etik aurrera. Xabier de la Fuentek eta Josean Aldalurrek egingo dute kontakizuna.
Gaurarratsaldeko ETB1eko herri kirolen tartean, hilaren 19an Adunan jokatutako Gorostidi Harriaren berri emango du Ibon Gaztañazpik, Aimar Irigoienen laguntzaz, 16:00etan hasita.
'Gol Festa' saioak asteroko hitzorduari eutsiko dio. Futbol jardunaldiaren nondik norakoak bilduko ditu Mikel Olazabalek, 19:30etik aurrera, ETB1en.
Pilota eta erremontea, ETB4n
12:00etan, hilaren 19an, Valentziako Cheste herrian jokatutako Titin III-Puchol II / Raul-Genoves II neurketaren kontakizuna egingo du Iñigo Aiestaranek.
20:15ean, Sagardoaren Txapelketako finalaren ingurukoak ekarriko dizkigu Iñigok, Manuel Arrizabalaga Matxinekin batera: Zeberio II-Endika / Uterga-Olazar.
