telebista
09:00etan, ETB1en
Jonan Fernandezi elkarrizketa, gaur goizean, 'Egun On Euskadi' saioan
A.A.
EiTB
Bake eta Bizikidetza idazkariarekin mintzatuko da Estepan Aldamiz-Etxebarria.
-
Jonan Fernandez
Gaur, 'Egun On Euskadi' saioko elkarrizketaren tartean, Jonan Fernandez Eusko Jaurlaritzako Bake eta Bizikidetza idazkaria izango dute gonbidatu. Asteburuan EH Bilduk egindako proposamenaz galdetuko dio Estepan Aldamiz-Etxebarriak, baita Hitzeman programak izandako harrerari buruz. El Duesoko espetxean izandako gertaeraren ondotik, bakegintzarako egokierarik ote dagoen ere aztertuko dute.
Elkarrizketan esandakoak eta egunak dakartzan gaiak komentatuko dituzte solaserako mahaian Jose Mari Pastor, Koldo Bilbao eta Mikel Aramendi kolaboratzaileek. Albiste horien kontakizuna, ohi denez, Olaia Urtiagak egingo du.
Egunero legez, goizeko bederatzietan hasiko da 'Egun On Euskadi' saioa.
