telebista
22:15ean
'La masai blanca' pelikula, gaur, ETB2n
ETB2n La masai blanca pelikula izango da ikusgai, Corinne Hofmannen izen beereko literatura lanean oinarritua.
Gaur gauean, La masai blanca pelikula izango da ikusgai ETB2n, Hermine Huntgeburth zuzendari eta Nina Hoss eta Jacky Ido protagonista dituen lana. Corinne Hofmannen eleberrian oinarritutako filmean, egileak Afrikan bizi izan zuen esperientzia kontatzen du.
Bere mutil-lagunarekin Kenyako oporren amaieran, Carolak Lemalian, masai gerlaria, ezagutuko du. Txundituta, harekin maitemindu eta itzultzeko bidaia bertan behera uztea erabakiko du. Bere mutil-laguna bakarrik itzultzen den bitartean, Carola Lemalianen atzetik, jarraituz, Barsaloira iritsiko da, Lemalianen tribuaren herrira. Carolak Suitzara itzultzea eta bere familiari aurre egitea erabakiko du, ondoren Afrikan bizitza berri bat hasteko. Baina bere bizitzako maitasun handi hori probarik gogorrena bilakatuko da.
Gaur, 22:15etik aurrera, La masai blanca, ETB2n.
