Euroligako Lauko Finala, zuzenean, ETB4n eta eitb.eus-en

Euroliga txapelketaren azken txanpa Euskal Telebistaren eta EiTBren webgunearen bitartez jarraitu ahal izango dute saskibaloizaleek. Gaur  jokatuko diren bi finalaurrekoak eta igandeko hirugarren eta laugarren posturako partida eta final handia zuzenean eskainiko dituzte ETB4k eta eitb.eus-ek, Asier Arangurenen eta Josean Aldalurren kontakizunarekin.

CSKA Mosku eta Olinpiakos izango dira aurrez aurre lehen finalaurrekoan, ostiralean, 18:00etan. Bigarrena, Real Madril eta Fenerbahce taldeen artekoa, 21:00etan hasiko da. Bi partidetako irabazleek igandean neurtuko dituzte indarrak, 20:00etatik aurrera, Euroligako final handian.

Hirugarren eta laugarren postuak norentzat diren erabakiko duen norgehiagoka hiru ordu lehenago jokatuko da, 17:00etan. eitb.eus-en zuzenean izango da ikusgai, eta ETB4k 19:00etan, eskainiko du.