David Seco, ikusleen kapitain gogokoena!

David Seco da ikusleen kapitainik gogokoena "El Conquistador del Fin del Mundo" saioaren edizio honetan, botoen % 68 jasota. Eta hori, Busturiko txirrindulari ohia ez dela abenturaren azken txanparaino heldu. Hasierako fasean, nesken taldearen burua izan zen, Manu Maritxalar "lagun handia"rekin batera. Egia esan, beti arerioak izan badira ere, konplizitate uneren bat izan dute, batez ere Eneko Van Horenbeke eta Roberto Laiseka mutilen taldeko kapitainak kanporatu zituztenean. Gero, kondor taldeko kapitaina izan zen, eta abenturaren edizioan desagertu zen lehen taldea izan zen berea. Ez dakigu zer den ikusleei gehien gustatzen zaiena: sardinak jaten munduko txapelduna izatea, taldekideek asko maite dutela, Patxiren galtzontzilloak oso ongi gelditzen zaizkiola, edo oso une onak utzi dizkigula. Baliteke bere taldeagatik dena ematen duelako gustuko izatea ikusleek; lan horretan, hortz bat galdu zuen!

Manu Maritxalar aurtengo kapitain irabazlea dago saioko jarraitzaileen kapitain gogokoenen zerrendan bigarren (% 21). "Manu Harriketa" kapitain polifazetikoaren zer alde dute gogokoen ikusleek? Abeslari handia dela, kanibal ona dela, behingoz Kortaren azpikerietako batzuk egiten hasi dela, arraunlari paregabea dela? Gurpilik gabeko Ferrariak pneumatiko onak izan ditu aurten, eta une onak utzi dizkigu.

Korta da hirugarren kapitain gogokoena (% 5); Eneko Van Horenbeke, laugarrena (% 3); Roberto Laiseka, bosgarrena (% 2); eta Juanito Oiarzabal da zerrendako azkena (% 1).

Aukeratu zure lehiakide gogokoena!

Zure lehiakide gogokoena hautatzeko aukera duzu oraindik ere. "El Conquistador del Fin del Mundo" saioaren azken txanpan gaude, eta 10 lehiakidek baino ez dute jarraitzen gustukoenaren lehian: Sergio, Rakel, Oihana, Nai, Nagore, Maixa, Maurixio, La Killa, Eneko eta Cris.

Bi gau, Villa de Laguardia hotelean

Bozkatu gustukoen duzun lehiakidearen alde, parte-hartzaileen artean Villa de Laguardia hotelean bi lagunentzako egonaldia zozkatuko baitugu.