Kapitainen debatea eta final handiaren hasiera, 'El Conquis' saioan

Abentura utzi duten azken hiru kapitainak (Juanito Oiarzabal, Jose Luis Korta eta Manu Maritxalar) zein aurtengo edizioan kapitain lanetan izan diren beste hirurak (David Seco, Eneko Van Horenbeke eta Roberto Laiseka) izango dira 'El Conquis' saio bereziko protagonista nagusiak, gaur gauean. Ikus-entzuleek erabakiko dute nor den hamaikagarren edizio honetako kapitainik onena. Halaber, Julen Madina, Isa eta Gotzon izango dira iritzi-emaile gonbidatuak asteazkeneko saio berezian.

Final handiko lehen zatiaren berri emango dute

Patxi Alonsok aurkezten duen saioak Txileraino joko du, Ozeno Barearen ertzera, final handiko lehen zatiaren berri emateko. Andeka, Iker, Sergio eta Maixa lehian arituko dira aurtengo edizioko konkistatzaile izateko, abenturak inoiz izan duen finalik lehiatuenean. Gaurkoan, final handi horren berri emango du ‘El Conquis’ saioak, eta lehiakideek nola jokatu nahi duten ere aurreratuko digute bertan.

Korta eta Juanito guanakoen taldearekin batuko dira

Saioko unerik biziena, baina, beste bat izango da, Korta eta Juanito taldekide izan dituzten guanakoekin batzen direnean, alegia. Kapitainen eta lehiakideen arteko harremana gorabehera handikoa izan da, eta asteazkenean ikusiko dute berriz elkar Miramongo platoan. Eneko, Borja, Nai, Irantzu eta Sexy Black han izango dira, eta abenturatik atera ondoren kontatu dutena haiei zuzenean esateko aukera izango dute. Protagonistek asko dute argitzeko kanpamentuko miaketa ekarri zuen salaketaren inguruan; izan ere, haren ondorio zuzena izan zen Patxi eta Nagore abenturatik kanporatzea.

Asterik bereziena

'El Conquistador del Fin del Mundo' saioko hamaikagarren edizioko asterik berezienean gaude, eta final handiaren bezperan. Kapitainen inguruko saio berezia ‘gosagarri’ onena izango da, urteko hitzordu handiaren aurretik. Gaur ikusiko dugu, 22:15etik aurrera, ETB2n.