Errugbia eta saskibaloia zuzenean, gaur, ETBn eta eitb.eus-en

Errugbiak, saskibaloiak eta pilotak osatuko dute ETBko eta eib.eus-eko gaurko kirol eskaintza.

Errugbiari dagokionez, Galiziak eta Euskal Selezioak Lugon jokatuko duten norgehiagoka zuzenean eskainiko da ETB1en eta eitb.eus-en 16:30etik aurrera, Jon Ander Gorosperen kontakizunarekin.

Saskibaloi emanaldi bikoitza izango dugu, Endesa Ligako playoffetako bigarren jardunaldiari dagokiona. Valentzia Basket-Dominion Bilbao Basket partida ETB1en eta eitb.eus-en izango da ikusgai, 18:15ean. Laboral Kutxa-Unicaja, berriz, ETB4n eta eitb.eus-en jarraitu ahal izango da 20:15ean hasita. Lehenengoan Xabier de la Fuente izango da esataria eta bigarrenean Asier Aranguren eta Juan de la Vega. Josean Aldalurrek komentario teknikoak egingo ditu bi emanaldietan.

Bestalde, ETB4k afizionatu mailako pilotaren leihoa zabalduko du eguerdiko 12:00etan, Gasteizko Zaramaga torneoko finalak eskaintzeko. Iñigo Aiestaran eta Jokin Larrañaga izango ditugu berriemaile.