telebista
Gaur
Athletic B-Cadiz eta Suitzako Itzulia, ETB1en eta eitb.eus-en
A.A.
EiTB
Bigarren B Mailako igoera faseko partida eta lasterketako 8. etapa zuzenean.
Bilbao Athleticek Bigarren Mailara igotzeko bidean jokatuko duen hirugarren kanporaketa zuzenean eskainiko dute, gaur, ETB1ek eta eitb.eus-ek. Cuco Zigandaren mutilek Cadizen aurka neurtuko dituzte indarrak San Mamesen, 18:30ean, joaneko partidan. Xabier Anduezak, Juanan Larrañagak eta Eritz Hernandezek egingo dute kontakizuna.
Futbolaren aurretik, txirrindularitzari egingo diote tartea ETB1ek eta eitb.eus-ek, Suitzako Itzuliko 8. etapa eskaintzeko. Bernan hasi eta amaituko den 152 kilometroko etaparen nondik norakoak ekarriko dizkigute Fermin Aramendik eta Xabier Usabiagak 16:45etik aurrera.
Paleta eta fitness emanaldiak ere izango dira gaur Euskal Telebistan. GMGZ Zirkuituko San Nikolas Txapelketako finalak 12:00etan izango dira ikusgai ETB4n, Iñigo Aiestaran eta Patxi Ziskar esatari direla. Bestalde, maiatzaren 30ean Gernikan jokatutako Euskadiko Fitness Txapelketan gertatutakoa bilduko du Iñaki Mikeok 15:45etik aurrera, ETB1en. Omer Alvaraz izango du lagun komentarioetan.
p>