telebista
Gaur, 23:15ean
'Sanjoanak 2015', Eibartik zuzenean, ETB1en eta eitb.eus-en
EITB
Imanol Artolak gidatuko du saioa, eta Arizkun eta Arrasateko jaietako giroarekin ere egingo dute bat.
Gaur gauean, sanjoanetako sua izango da ikusgai ETB1en eta eitb.eus-en, Eibarko Untzala plazatik zuzenean. Imanol Artola esatariak eta Maite Eskarmendi erreportariak eskainiko dute musika eta dantzaz beteriko ekitaldi berezia, 23:15etik aurrera. Eibarko jaietan, plazan izango den dantza ekitaldia eta danborrada izango dira ikusgai, eta Iñaki Bagileto gastadorea eta Julita Balenciaga danbor-jotzaileari egingo diote omenaldia.
Horrez gain, Arrasaten eta Arizkunen San Joan bezperako gau berezi honetan sortzen den giroaren berri ere izango dute. Ibon Gaztañazpi Arrasaten izango da, eta, besteak beste, urtero dantzatzen duten ohiko errementari dantzaren lekuko izango da. Arizkunen, berriz, Aitor Perez arituko da erreportari lanetan, eta San Joan sua prestatzeko lan bereziak azalduko ditu.
'Sanjoanak 2015' gaur izango da ikusgai, 23:15ean, ETB1en.
