telebista
21:00etan
'Invoc4tium' musikala, gaur gauean, ETB1en
A.A.
EiTB
Iruñeko Jaso Ikastolako ikasleek Baluarten eskainitako ikuskizuna da.
Bideoak (1)
Gaurko 'Oholtzan' saioak Invoc4tium ikuskizuna dakarkigu, 21:00etan, ETB1en. Iruñeko Jaso Ikastolako 12 eta 16 urte bitarteko 44 gazte ditu protagonista musikal honek, eta iragan ekainaren 12an grabatu zen Baluarte Jauregian.
Musika, akrobaziak, dantza eta antzerkia uztartzen dituen naturaren inguruko musikal hau Jaso Ikastolak aurkeztu duen 3. musikala da. Imanol Janices, Edu Serna eta Irantzu Zabalza ditu zuzendari.
Lurra, Haizea, Sua eta Uraren kontrola lortu nahi dute Heriok (Pablo Roncales) eta bere laguntzaileek mundua haien eskuetan jartzeko. Hau ekiditeko, Naiarak (Saioa Castillo), Alainek (Xabier Dean) eta Ametsek (Miren López) abenturaz beteriko bidaia bati ekingo diote, 4 elementuak ohartarazteko asmoz. Ama Natura (Maialen Pasual) inbokatzea ezinbestekoa izango dute euren helburua lortzeko.
