telebista
Zuzenean
Uxue Barkosen kargu-hartzea, gaur, eitb.eus-en eta ETB1en
EITB
Nafarroako Gobernuko presidente hautatuak karguaren zina egingo du gaur. Ekitaldia 11:30ean hasiko da, eta eitb.eus-ek streaming bidez eskainiko du eta minutuz minutu ere jarraituko du.
Gaur, goizeko 11:30etik aurrera, Uxue Barkosek (Geroa Bai) Nafarroako Presidentearen kargu-hartzea burutuko du, Geroa Bai, EH Bildu, Podemos eta Izquerda- Ezkerra alderdien botoek astelehenean presidente izendatu eta gero. eitb.eus-en ekitaldia, zuzenean, streaming bidez eta zuzeneko minutuz minutuko kontaketa jarraitzeko aukera izango duzue.
ETB1ek ere zuzenean eskainiko du Nafarroako Legebiltzarrean ospatuko den ekitaldia eta Maddalen Iriarte kazetariak emango du kargu hartzearen berri. Udal komunitateko ordezkari gorenak bilduko ditu ekitaldiak, baita Nafarroako alor guztietako (kultura, hezkuntza, gizartea, ekonomia) ordezkariak ere.
