telebista
Gaur
Boiroko Bandera eta Bastidako pilota torneoko finala, zuzenean
A.A.
EiTB
Estropadak eguerdiko 12etan eta pilota arratsaldeko bostetan, ETB1en eta eitb.eus-en.
San Miguel Ligako estropada izango da gaurko lehen kirol hitzordua ETB1en eta eitb.eus-en. Lehiaketako 11. jardunaldian, Boiroko Bandera izango dute jokoan. Mikel Olazabalek eta Ibon Gaztañazpik gidatuko dute emanaldia 12:00etatik aurrera.
17:00etan hasiko den 'ETB Kantxa' saioak Bastidako pilota jaialdia eskainiko du. Arretxe II-Aretxabaleta eta Irribarria-Cecilio izango dira aurrez aurre atariko partidan. Ondoren, Bastidako torneoko finala jokatuko dute Berasaluze II.ak eta Albisuk, Irujoren eta Merino II.aren aurka. Xabier Euzkitze, Joxan Tolosa eta Elena Azpeitia izango dira esatariak.
Pilotaren aurretik, 16:00etan, herri kirolen tartea zabalduko du ETB1ek, gizonezkoen Euskadiko Sega Txapelketa eskaintzeko. Goizean Asteasun jokatutako probaren kontakizuna Juanan Legorburuk egingo du Migel Mari Jauregi 'Altzo' lagun duela.
duela.