Eneko Goia alkatea, Donostiako jaietako berezian

Astearteko saioan, Agustin Ezenarro eta Izaro Iraetak Donostiako alkatea Eneko Goia izango dute gonbidatu nagusia. Alkatearekin, Aste Nagusia nola doan komentatuko dute, nondik nora dabilen alkatea, eta su artifizialak gauero ikusten ote dituen.

Bestetik, Unai Etxabe erreportariak waterpoloko txapelketako kontakizuna ekarriko du, eta Anuska Etxeberria erreportariak aldiz, urtero Sagueseko zabalgunean egiten den merenge gerraren bideo dibertigarria egingo du.

Su artifizialei dagokienez, Italiako Parente suetxearen txanda izango da asteartean. Beste urte batzuetan parte hartu izan dute, sari garrantzitsuak eskuratuz. Pirotekniaren suak izango dira ikusgai zuzenean ETB1en eta eitb.eus-en.