telebista
'Oholtzan'
Aiko Taldearekin Bilbon dantzari eta kantari, gaur gauean, ETB1en
A.A.
EiTB
Aste Nagusiaren barruan, Zazpikaleetan zehar egindako ibilaldia izango da ikusgai.
Aiko Taldeak Bilboko Aste Nagusiaren barruan Zazpikaleetan zehar egindako dantza eta kantu ibilaldiaz gozatzeko aukera izango dugu gaur gauean, ETB1en. Lagun giro ederrean egindako erromeria ibiltarian, Aiko Taldeko kideekin batera, beste hainbat taldetako lagunak eta herritarrak bildu ziren.
Aiko Taldea hainbat musikari, koreografo eta dantza-irakaslez osatutako kultur elkartea da, guztiak bokazio berdintsuarekin: modu natural, erlaxatu eta dibertigarrian jo eta dantzan egitea, eta pasio hori ahalik eta pertsona gehienei helaraztea.
ETB1eko ikus-entzuleei ere gonbidapena egingo diete gaur, Ilaski Serranok 21:30ean gidatuko duen emanaldi berezian.
