telebista
Gaur, 22:30ean
'Viaje al centro de la Tierra 2: La isla misteriosa' filma, 'LND'n
A.H. | EITB
Saioak, gainera, Charlize Theron aktorearen zazpi edertasun sekretuak ezagutuko ditu, eta Tesis filmaren estreinaldiaren 20. urteurrena ospatuko du.
'La Noche de...' saioak Viaje al centro de la Tierra 2: La isla misteriosa familia osoarentzako abentura filma eskainiko du gaur gauean. Julio Verne idazlearen La isla misteriosa eleberri ospetsua oinarri du, eta Dwayne Johnson, Michael Caine, Vanessa Hudgens eta Josh Hutcherson ditu protagonista. Felix Linaresek pelikularen filmazioaren datu guztiak emango ditu emanaldiaren aurretik.
Bestalde, Charlize Theron aktore ezagunaren edertasun sekretuetan barrena murgilduko da astearteko saioa. Dudarik gabe, aktoreak daraman dieta berezia da sekretu horietatik garrantzitsuena, baina horrez gain, Mad Max filma grabatzerako buruan jarri behar izan zuen sustantzia arraroaren berri emango du 'LND'k.
Gainera, 80ko hamarkadako maitasun istorio berezienetako bat azalduko du saioak Amores ciegos atalean: Michael Jackson abeslariaren eta Brooke Shileds aktorearen artekoa, hain zuzen ere. Shiledsek 15 urte baino ez zituenean, Michael Jacksonek berarekin haur bat izateko eskatu zion.
Amaitzeko, Alejandro Amenabar zinegilearen Tesis film mitikoaren estreinaldiaren 20. urteurrena gogoratuko du 'La Noche de...'k. Saioak oso erreportaje berezia eskainiko du filmaren inguruan eta baita pelikularekin harremana izan zezakeen krimen baten inguruan ere. CSI: Hollywood atalean izango da.
'La Noche de... Viaje al centro de la Tierra 2: La isla misteriosa' gaur izango da ikusgai 22:30etik aurrera ETB2n.
ETB2n.