telebista
11:45ean
Idoia Mendiari elkarrizketa, gaur eguerdian, 'En Jake'n
A.H. | EITB
Xabier Lapitzek aurkeztutako saioak gertutik jarraituko ditu egun-eguneko politika gaiak.
Gaur eguerdian, Xabier Lapitzek Idoia Mendia, PSE-EEko idazkari nagusia elkarrizketatuko du 'En Jake' saioan, ETB2n, eta balizko hauteskundeen aurrean, alderdi politikoek emandako pausuak eta izandako bilerak aztertuko dituzte, besteak beste, EH bildu eta Podemos alderdiek izandako bilera.
Saioak gainera, egun-eguneko gaiak jarraituko ditu gertutik; Mario Conderen atxiloketa, Soria ministroaren izena Panamako paperetan, Nóos kasuan lekuko moduan Rita Barberák emango duen testigantza, eta Madrilen, alderdi politikoen arteko negoziazioak. Solasaldi mahairen inguruan, Eider Hurtado, Iñaki Soto, Juan Mari Gastaca eta Alberto Ayalak kolaboratzaileak bilduko dira.
'En Jake' astelehenetik ostiralera izaten da ikusgai, 11:45etik aurrera, ETB2n eta online.
