telebista
22:15ean
'Ezberdina naiz', gaur gauean, 'Batek Daki' saioan
A.E.| EiTB
Aitziber Garmendiak ezberdina den edo sentitzen den jendearekin egingo du topo saioa honetan.
Informazio gehiago (1)
Gaur gauean 'Batek daki' saioan, ezberdina den edo ezberdin sentitzen den jendea ezagutuko du Aitziber Garmendiak. Honako galdera hauek egingo dizkio saioaren gidariak bere buruari: Zer da ezberdina izatea? Zergatik dira ezberdinak? Ona al da ezberdina izatea? Zer da ezberdin egiten dituena? Eta ni? Ezberdina al naiz? Zer da berdina edo ezberdina izatea?
Hainbat kasu ezagutuko ditu Aitziberrek eta bakoitzaren lekuan jarriko da, ezberdintasun hori zer den zuzenean jakiteko. Hasteko, flamenkoa dantzatzen duen La Pulga euskal dantzaria ezagutuko du eta berarekin pauso batzuk ikasiko ditu Aitziberrek. Horrez gain, Senegaletik etorritako emakume talde batekin festa batean egongo da, beraien dantzak eta ohiturak nolakoak diren ikasten.
Bestalde, Kultura Underground eta Barakaldoko euskal hiztunekin egongo da Aitziber. Maisha MC-rekin euskal rapa ezagutuko da, eta 'beat box'a eta 'graffitti'ak egiten ikasten saiatuko da.
Ba al dago lanbideagatik ezberdina den norbait? Ardiz inguratutako ibiliko da Aitziber. Haiek antolatu eta ilea mozten ahaleginduko da, Ipar Arrinda eskiladoreak lagunduta.
Azkenik, bizitzeko modu ezberdinak ere ezagutuko ditu. Horretarako, zirkuaren atzealdea ezagutzeko aukera izango du. Nola bizi diren, zer jaten duten, entseguak nola egiten dituzten... Den-dena biziko du Il Circo Italiano zirkuan.
Saio osoan zehar, Aitziber Garmendiak bera, bakarrizketa gisara, gaiaren inguruan dituen aurreiritziez arituko da. Bestalde, atal bakoitzean, uneoro bere pertzepzioak azalduko ditu umorez.
'Batek Daki' saioa 22:15ean izango da ikusgai ETB1en.
