telebista
22:30ean
'The fighter' pelikula, gaur gaueko 'La Noche De...'n
A.H. | EITB
Saioak gainera, hondamendi handien inguruko pelikuletako akats dibertigarrienak azalduko ditu, eta bestalde, Marion Cottilllard aktorearen ibilbidea errepasatuko du.
Gaurko 'La Noche De' saioak The fighter filma eskainiko du. Benetako gertakarietan oinarritutako pelikula honek Micky Ward boxeolariaren istorioa azaltzen du. Bere anaiorde drogazalearen laguntzarekin, suspertu egin zen ia dena galduta zuen boxeolaria eta indartsu ekin zion. Mark Wahlberg eta Christian Bale dira pelikularen protagonistak, eta Felix Linaresek filmazioaren eta aktoreen inguruko datu guztiak emango ditu emanaldiaren aurretik.
Saioak, gainera, Marion Cottillard aktore frantsesaren ibilbidea errepasatuko du: kartzelan egon zen, Oscar bat irabazi zuen eta Brad Pitt aktorearen maitalea izan dela diote zurrumurruek. Los titularen de Marion Cottillard atalak emango ditu datu guztiak.
Horrez gain, hondamendien inguruko pelikuleteko akatsen erreportaje dibertigarria eskainiko du saioak, eta amaitzeko, Hollywood-eko izarrek dituzten luxuzko etxerik ikusgarrienak azalduko ditu.
'La Noche de… The Fighter' gaur emitituko da, 22:30etik aurrera ETB2n.
