telebista
22:15ean
'Infiltrados' Martin Scorseseren filma gaur, ETB2n
Akzioz beteriko film honek Bostonen mafiaren aurka dabilen polizia-taldea du protagonista. Scorseseren lan honetan, Leonardo DiCaprio, Matt Damon eta Jack Nicholson ditugu aktore lanetan.
'Infiltrados' Martin Scorsesek 2006an zuzendutako filma emango du ETB2k gaur gauean. Akzioz betetako polizia-film honek aktore ezagunak ditu protagonista; Leonardo DiCaprio, Matt Damon, Jack Nicholson, Mark Wahlberg eta Alec Baldwin, besteak beste.
Mafiak nahi duen oro egiten du Boston hirian. Hilketa eta krimen kopuruak gora egin du eta Massachussets hiriko Polizia gogor ari da talde horien aurka. Zehazki, Frank Costelo (Jack Nicholson) mafia irlandarraren burua atxilotu nahi du, eta polizia-gazte bat, Billy Costigan (Leonardo DiCaprio), sartuko du Costeloren taldean, sator lanak egiteko.
Costigan Costeloren konfiantzazko gizon bihurtzen den heinean, Colin Sullivan polizia gazteak (Matt Damon) gora egingo du nabarmen eta azkar Polizia Departamentuan. Inork ez daki, ordea, Sullivan Costelorentzat lanean ari denik.
'Infiltrados' ('The Departet') gaur gauean izango da ikusgai, ETB2n, 22:15ean.
