telebista
Jamison familia
'The Big C' telesailaren bi atal berri, 19:45ean, ETB2n
I.E. | EiTB
Igandean, San Valentin Eguna, berriz ama izateko nahia, jazarle bat eta eskaintza sorpresa bat, besteak beste.
'The Big C' telesailaren beste bi atal izango ditugu ikusgai gaur, 19:45etik aurrera, ETB2n. Hirugarren atalean San Valentin Egunean Jamison familiak egiten duena ikusiko dugu. Cathy eta Paul bakarleku batera joango dira, eta bertan minbizia gainditu duen "joyologo"a den Joy Kleinman ezagutuko dute. Adam kristau rock kontzertu batera joango da Jessirekin. Eta Andreak eta Seanek bikote bat direnaren itxura egingo dute luxuzko jatetxe batean eta postrerako orduan inprobisatu egin beharko dute. Horrez gain, Cathyk beste ume bat izan nahi duela esango dio Pauli.
Laugarren atalean, Cathyk beste ume bat nahi izateak kezkatuko ditu Adam eta Sean, eta minbizia oztopo izango da haurtxoa adoptatzeko. Gainera, bere negozioan lapurtzea leporatzen dio jazarle bat izango du Seanek, Adam Jessieren alde basatia ikusten hasiko da, eta Cathyk eta Paulek eskaintza sorpresa bat jasoko dute.
'The Big C' telesaila gaur izango da ikusgai, 19:45ean, ETB2n.
