'El Conquistador'eko castinga: Maider Otegi, pilotari nafarra

Gaurko hautagaiaren izena Maider Otegi da.&' || 'nbsp;Nafar honek kirol asko egiten du eta palan jokatzen du Oberena taldean. Emakume aktiboa da eta abenturak gustuko ditu. Halaber, bere buruari ezartzen dizkion erronketan amaiera arte borrokatzen du. Ez die beldurrik saioko probei eta ezta hotzari ere, Auritzen bizi baita ia 1.000 metrora. Gainera, izaera handiko emakumea dela esan du. Maider edo beste hautagaiei zure puntuazioa eman diezaiokezu&' || 'nbsp;castingaren bideoaren behealdean aurkituko duzuen estekari jarraituz. Botoa ematen duzuen guztion artean laster ezagutzera emango dugun sari bikain bat zozkatuko dugu.

Egunero hautagai baten castingaren bideoa eskegiko da saioaren webgunean. Hala ere, Patagoniara joango diren 24 lehiakideen izenak ez ditugu urtarrilera arte ezagutuko. Datorren abenduaren 29an eta urtarrilaren 5ean ETB-2k saio bereziak eskainiko ditu 70 hautagaiak aurkezteko. Saioaren amaieran ezagutuko ditugu Patagoniara joango diren 24 lehiakideen izenak.

Aurten ere jende ugari izan da ''El Conquistador del Fin del Mundo''n parte hartzeko castingetan. 1.800 pertsona baino gehiago gerturatu ziren ekainean Bilbon, Donostian, Gasteizen eta Iruñean egin ziren deialdietara.