Zarauzko pilota torneoaren finalaurrekoa, gaur arratsaldean, ETB1en eta eitb.eus-en

Gaur, 17:00etatik aurrera, Zarauzko Torneoaren bigarren finalaurrekoa eskainiko dute ETB1ek eta eitb.eus-ek, zuzenean. Altuna III-Zabaleta eta Artola-Albisu arituko dira aurrez aurre, eta igandeko finalerako txartela izango dute jokoan.

Aurretik, Victor-Zabala eta Peña II-Aretxabaleta bikoteen arteko atariko partida izango da ikusgai. Azkenik, Agirre-Aranguren eta Ugalde-Tolosa pilotariek jokatuko dute jardunaldiko hirugarren norgehiagoka.

Xabier Euzkitze, Joxan Tolosa eta Elena Azpeitia esatariek izango dute pilota jaialdiaren kontakizunaren ardura.

Zarauzko pilota torneoa, gaur arratsaldean, 17:00etan, ETB1en eta eitb.eus-en.