Teresa, Panamako lehenengo kanporatu faboritoa, gaur, 'El Conquis' eztabaida-saioan

Teresak erabaki ausarta hartu zuen joan den asteleheneko dueluan: bere burua aurkeztu zuen jokoan parte hartzeko, eta Iñakik kanporatu egin zuen. Berastegiko trikitilari grinatsua izango da ohorezko gonbidatua asteazkenean, 'El Conquis' eztabaida-saioan. Lehiaketan jarraitzeko erabakigarria izan zen urratsa zergatik eman zuen azalduko du. Teresarekin batera, orain arte ikusi gabeko irudiak aztertuko dituzte: Loparen itzulera kanpamendu berdera, bakarrik, kanporaketaren berri txarrarekin batera; Iñaki eta Ibonen itzulera kanpamendu gorrira, kasu honetan txapeldun, eta Luisito eta gainerako urdinen ospakizun alaia immunitate jokoa irabazi ondoren. Hurrengo ataleko aurrerapena ere ikusiko dugu. Datorren asteko saioan, Manu Maritxalarrek eta Seletak eztabaida handia izango dute, eta liskarrak taldeko elkarbizitzari eragingo dio.

Asteazkenean, 'beste' Iñaki, Cocodrilo Dandy ezizenez ezagun dena, Miramongo platoan izango da orain arteko bere sekretuak kontatzeko. Iñaki, Pili, Sveta eta Sorayarekin egongo da kanporatuen aulkietan eserita, ondoren, ohiko conquistologoekin, asteleheneko saioaren pasarterik nabarmenenak aztertzeko.

'El Conquis del Pacífico' eztabaida-saioa asteazkenean izaten da ikusgai, 'Eguraldia'ren ondoren, 22:30ean, ETB2n eta eitb.eus-en.