telebista
Gonbidapenak eitb.com-en
32 lehiakidek parte hartuko dute ''Errekortari 2011'' Txapelketan
O.A.
EITB
Tolosa eta Azpeitiko bi finalerdietatik aterako dira abuztuaren 17an Tafallan ospatuko den finaleko zortzi errekortariak.
EITBk babestutako ''''Errekortari 2011'''' Txapelketan 32 lehiakidek parte hartuko dute. Tolosako eta Azpeitiko finalerdien ondotik ezagutuko ditugu abuztuaren 17ko Tafallako final handian izango diren errekortarien izenak. Lehen finalaurrekoa ekainaren 26an izango da Tolosan eta bigarrena, uztailaren 17an, Azpeitian.
Finalaurreko bakoitzean 16 errekortari arituko dira. Ekainaren 26an Tolosako zezen-plazan ondorengo errekortariak izango dira: Tomas Perez, Fran de SantaEugenia, Cristian Parra, Eloy Puello, Raul Ramirez, Fernando Pozuelo ''''El Rubio'''', David Cabo, Joseba Uterga, Oscar Holgado, Saul Rivera, Joel Rodriguez, Juanjo Marti, Ruben Sanchez, Moy, Isaac Alvarez eta Andres Civera. Bigarren finalerdia Azpeitian jokatuko da uztailaren 17an eta hona hemen bertan lehiatuko diren errekortarien zerrenda: David Ramirez ''''El Peque'''', Sergio Urrutikoetxea, Sergio Delgado, Pedro Hurtado, Asier Herreros, Conra, Eduardo Verdes, Jesus Egurza, Guana, Julian Gomez Carpio, Peta, Cuatio, Jonatan Castaño, Jesus Sanchez, Marcos Prieto eta Sergio Valle.
Aurtengo berritasunetako bat finalerdien formatu aldaketa da. 16 errekortari arituko dira lehian aurreko ekitaldietako 20 errekortarien ordez. Kanporaketa bakoitzean 5 zezen egongo dira eta lehiaketa betiko moduan izango da. Finalaurreko bakoitzean 4 zezen arituko dira eta bosgarren bat finalerdi bakoitzeko finalean.
Tafallako final handira finalaurreko bakoitzeko 4 finalistak eta puntuazioaren arabera beste lau errekortari igaroko dira. Errekortari irabazleak 6.005 euro poltsikoratuko ditu abuztuaren 17an Tafallan.
Sarrerak eitb.com-en
eitb.com-ek Errekortari 2011 Txapelketarako sarrerak ditu. Hala, eitb.com-ek ''''Errekortari 2011''''ren bigarren finalaurrekoa ikustera joateko 5 sarrera bikoitz zozkatuko ditu. Jaialdia Azpeitiko zezen-plazan izango da datorren uztailaren 17an.
