telebista
Goizeko albistegia
Pilar Unzalu, ostegun honetan, 'Egun On Euskadi' saioan
A.H.
EITB
Eusko Jaurlaritzako Ingurumen sailburuak Aitzol Zubizarretaren galderak erantzungo ditu.
Ostegun honetan, Pilar Unzalu Eusko Jaurlaritzako Ingurumen, Lurralde Plangintza, Nekazaritza eta Arrantza sailburua elkarrizketatuko du Aitzol Zubizarretak ETB-2ko ''Egun On Euskadi'' albistegian. Besteak beste, antxoaren kuota, hegaluzearen kanpaina eta ezpata arrainaren zein hegalaburraren elikadurarako onuren inguruko polemika izango dituzte mintzagai. Horrez gain, onartu berri den EcoEuskadi 2020 estrategiaren inguruan arituko dira aurkezle eta gonbidatua.
Gainera, saioak ohiko gaurkotasun solasaldia eskainiko du Alvaro Martinez, Iñaki Soto eta Aitor Ubarretxena kolaboratzaileekin eta Vanessa Sanchezek, bere aldetik, eguneko albisteen berri emango du.
''Egun On Euskadi'' goizeko 08:00etako albiste aurrerapenarekin jarriko da martxan.
