telebista
22:30ean
"La Noche de..." saioak 'Las dos caras de enero' filma eskainiko du gaur gauean
EiTB
Saioak, gainera, Charlize Theron aktorearen inguruko erreportajea eskainiko du eta Gene Hackman aktorearen ibilbidea errepasatuko du haren 90. urtebetetzean.
-
'Las dos caras de enero' pelikularen irudi bat. EiTBko bideo batetik ateratako irudia
Gaur gauean, "La Noche de..." saioak Las dos caras de enero filma eskainiko du, intriga eta suspentse handiko pelikula. Patricia Highsmith idazlearen izen bereko eleberrian oinarrituta dago eta Turkia eta Greziako paraje ikusgarrietan grabatu zen. Hossein Amini zinegilearen zuzendaritzapean, Viggo Mortensen, Kristen Dunst eta Oscar Isaac aktore ezagunak dira protagonistak. Felix Linaresek pelikularen filmazioaren eta aktore zerrendaren datu guztiak emango ditu.
Saioak, gainera, Charlize Theron aktorearen inguruko erreportajea eskainiko du. Bombshell pelikulan egindako lanarengatik aktore onenaren izendapena jaso du Oscar sarietan.
Bestalde, Ovejas negras atalak familia-kide kriminal eta iruzurgileak dituzten Hollywoodeko aktore ezagunen kasuak azalduko ditu.
Amaitzeko, Gene Hackman aktoreak 90 urte beteko dituenean, haren ibilbidea errepasatuko du 'LND'k, Archivos secretos atalean.
"La Noche de... Las dos caras de enero" gaur izango da ikusgai, 22:30ean, ETB2n eta eitb.eus-en.
