telebista
Larunbatean, 17:55etik aurrera
Elche-Murcia eta Real Union-Alaves partidak, zuzenean, ETB-1en
A.H.
EITB
Zilarrezko Futbola saioak eskainiko ditu Bigarren Mailako bi norgehiagokak.
-
Deportivo Alaves. Argazkia: EITB
Larunbat honetan, bigarren mailako futbolik onena dakar Euskal Telebistak arratsaldeko 17:55etik aurrera. Txemi Galarragak aurkeztutako 'Zilarrezko Futbola' saioak Elche eta Murcia taldeek jokatuko duten Bigarren A Mailako partida eskainiko du Ander Txintxurreta eta Naxari Altunaren komentarioekin. Ondoren, Irunetik zuzenean Real Union eta Alavesek elkarren aurka jokatuko duten partida eskainiko da eta Xabier Anduezak, Juanan Larrañagak eta Joseba Urkiolak egingo dute emanaldiaren gaineko kontakizuna.
Erremonte finala ETBSat-en
ETBSat-ek Buruz Buruko Erremonte Txapelketako finala eskainiko du zuzenean Hernaniko Galarreta pilotalekutik. Koteto Ezkurra eta Miguel Mari Urrutiaren arteko neurketaren kontakizuna egingo dute bostetatik aurrera Iñigo Aiestaranek eta Matxinek.
