telebista
ETB-1 eta ETB-2n
Jean Michael Cousteau-ren adierazpenak aste honetako 'Kresala'n
A.H.
EITB
Getariatik egingo ditu Pedro Garcia Larraganek erreportaje ezberdinen aurkezpenak.
-
'Kresala'
Jean Michael Cousteau itsas ikerlari frantziarrak adierazpenak egingo ditu aste honetako 'Kresala' saioan. Etorkizunari begira jarriko da ikerlari ezaguna eta eskuartean dituen ikerketei buruz arituko da, baita etorkizuneko gizarteaz eta ozeanoen bilakaeraz ere.
Horrez gain, beste hainbat gai jorratuko ditu saioak, horien artean, arrantzaleen emazteekin egingo duen solasaldia. 'Kresala'k euren bizimodua eta kezkak ezagutuko ditu gertutik.
Gainera, Aerovisión enpresa gipuzkoarraren azken asmakizuna ezagutuko du saioak: arrain-sarden irudia hartzeko hegazkin telegidatua.
Amaitzeko, Arcachonera joango dira ostra bila, herri frantziar honetan egiten baita munduko ostren ekoizpen handienetarikoa.
'Kresala' astearte honetan emitituko da 23:05etik aurrera ETB-1en eta larunbatean 10:30etik aurrera ETB-2n.
