telebista
Urriaren 4an
'Goenkale': German bizirik dago!
EITB
Medikuek makina itzaliko dute, baina Madariagatarra ez da berehalakoan hilko. Are gehiago, ezustean begiak irekiko ditu.
Bideoak (1)
Heldu da German bizirik mantentzen duen makina itzaltzeko ordua. Abel eta Lukas Germanen alboan egongo dira makina deskonektatzeko unean. Hala ere, Madariaga familiako kidea ez da berehalakoan hilko. Ines erizaina bakarrik geratuko da Germanen ondoan, amaren heriotzaren berri izango badu ere.
Igonek Alizia eta Kandido elkarrekin daudela jakingo du. Alabek harremanaren berri izan behar dutela uste du Kandidok, baina Alizia ez dago ziur. Bestalde, Kandidok ARTESAn inbertitzea erabakiko du, Leok aholkatu bezala. Abelek eta Imanolek ere gauza bera egingo dute.
Manexen jokabidea arraroa dela uste du Joanak eta Iboni berarekin hitz egiteko eskatuko dio. Manex epaiketa baten zain dago eta kartzelan sartzeko arriskua du. Hala ere, ez du Joanak ezer jakiterik nahi.
German hiltzeko zorian dagoela, begiak irekiko ditu.
