'Goenkale': Leonor ez da ARTESA auziko kaltetuetako bat!

Germanek badaki bere buruaz beste egiten saiatu zen egunean norbaitek laguntza ukatu ziola. Semeak etxeko ordenagailuan ikusitakoa kontatuko dio Abeli. Halaber, hiltzen utzi zuen pertsonaren aurpegia gogoratuko duela esango dio aitari.

ARTESA auzian galdutako dirua berreskuratu zuela aurpegiratuko dio Aliziak Leori. Aliziak egia kontatuko dio Kandidori, baina senarrak ez dio sinetsiko. Leok Aliziak esandakoa berretsiko du. Bere lekuan zer egingo zukeen galdetuko dio Kandidok Leori.

Paulak maitalea duela uste du Abelek. Ernesto horren jakitun da eta tranpa bat prestatuko dio Paulari. Enpresari batekin hitzordua prestatuko dio hotel batean. Ernestok hitzorduaren berri emango dio Abeli eta gizona etsita geldituko da.

Nekanek Ricardori xantaia egiten ari den pertsona harrapatzeko polizia operazioa abian jarriko du.