telebista
Igande honetan
Arrasateko kanporaketa luze eta zabal, 'Hitzetik Hortzera'n
I.I.
EITB
Jon Sarasuarekin aztertuko du Jon Artanok larunbateko finalerdia eta Tolosakoaren azken ordua ere emango dute.
-
'Hitzetik hortzera', Jon Sarasua. Argazkia: EITB
Gipuzkoako Bertsolari Txapelketako finalaurrekoen berri emango du asteon 'Hitzetik Hortzera'k. Lehen kanporaketa Arrasateko Uarkape pilotalekuan izango da larunbatean. Han izango dira kantuan Beñat Gaztelumendi, Agin Rezola, Alaia Martin, Felix Zubia, Iban Urdangarin eta Iker Zubeldia, Egoitz Aizpuru gai-jartzaile dutela. Saioa amaitu bezain pronto, oholtzan bertan, Artanok eta Sarasuak bertsoaldirik onenak eta protagonisten iritziak aztertuko dituzte. Gainera, Tolosako Usabalen igandean bertan jokatuko den bigarren finalaurrekoan gertatzen denaren azken ordukoa ere emango dute.
Zuri-beltzekoan ere Gipuzkoako Txapelketa: 1962an Lazkao Txiki eta Mitxelena puntu erantzuten. Bidalitakoa Usurbilgo Bota Punttuba Bertso Eskolari esker: Udarregi Sariketako finala. Bertan aritu ziren Ane Labaka, Martin Rezabal Olaso, Luix Otamendi, Patxi Etxeberria, Aitzol Barandiaran eta Maialen Velarde.
Bestalde, azaroaren 12an Lesakan ospatutako Euskal Herriko Bertso Eskolen Eguneko laburpena ere ekarriko dute. Goizeko bertso poteokoak batetik; eta bazkalostean Linddurrenborda sagardotegian Jon Martinek eskainitako bertso jarriak bestetik.
'Hitzetik Hortzera', igandean, 22:30ean, ETB-1en, eta bezperatik eitb nahieran-en.
