Urdinen garaipena eta berdeen porrota, gaur gauean, "El Conquis" saioan

Gaur gauean, "El Conquis" saioak Corocoteek kanpamentu aberatsean garaipena nola ospatu duten erakutsiko du. Zazpi asteko sufrimenduaren ostean, Seletaren taldeak jokoa irabaztea lortu zuen azkenean. Urdinak kanpamentu aberatsera itzuli dira eta aste lasaia izan dezakete.

Berdeak, berriz, txanponaren bestelako aldea dira. Kanpamentu oso pobrea egokitu zaie, lesioak dituzte eta euri zaparraden artean egin dute gaua; Duranaren taldea erabat ezegonkortzeko koktel perfektua. Patxi Alonsok aurkezten duen saioak Atabey taldearen inguruko irudi esklusiboak eskainiko ditu.

Platoan, Maria hartuko dute gonbidatu nagusi. Donostiarra kanporatua izan den bigarren Atabeytarra da. Dueluan ondo borrokatu zen arren, Mariak ez zuen Patxi gainditzea lortu, eta etxerako bidea hartu behar izan zuen. Mariak realityan izandako esperientzia pertsonalaz hitz egingo du Patxi Alonso aurkezlearekin.

Bestalde, David eta Eneko abenturan sartzeko zorian daude. Asteazkenean, Los Haitises aldera bidaiatu aurretik Euskadin egindako azken orduetako irudiak eskainiko dituzte; eta, gainera, Dominikar Errepublikara nola iristen diren ere erakutsiko dute.

Oizeder Mayok eta Isma Pereirak "El Conquistador" saioaren inguruko txio onenak jasoko dituzte, Tik Tok erronka erakutsiko dute eta asteko galderaren inguruko epaia emango dute: Huts egin al dizu talde berdeak?

"El Conquis" asteazkenetan izaten da ikusgai, 22:30etik aurrera, ETB2n eta eitb.eus-en.