telebista
Abenduak 23
Olentzeroren etorrera Bilbotik zuzenean, ostiralean, ETB-1en
A.E.
EITB
Andoni Mutiloak emango du ekitaldiaren berri eta Maite Eskarmendik eta Jon Gomezek kaleko giroa bilduko dute 19:00etatik aurrera.
-
'Olentzeroren etorrera'. Argazkia: EITB
Ostiral honetan, Gabon Gauaren bezperan, Olentzeroren etorrera eskainiko da Bilbotik zuzenean ETB-1en. Andoni Mutiloak emango du Olentzerok Bilboko kaleetatik barrena egingo duen txangoaren berri, eta Maite Eskarmendi eta Jon Gomez kazetariek Olentzeroren zain dauden haurrei galderak egingo dizkiete.
Gabon Egunaren bezperan Olentzero bere etxetik Bilbora dator bere lan-talde osoarekin. Moyua plazatik Arriagarainoko ibilbidea egingo du Mari Domingi eta galtzagorriez lagunduta. Arriagako plazara iristean, bertaratzen diren herritarrek, lamiek eta galtzagorriek eskainiko dizkioten abestiak entzungo ditu.
Kometek eta su artifizialek jantziko dute Olentzeroren Etorrera eta hainbat sorpresa ere izango dira. Ondoren, lotara joango da gure ikazkina, hurrengo egunean opariak banatuko baititu Euskal Herriko haurtxo guztiei.
'Olentzeroren Etorrera' arratsaldeko 19:00etatik aurrera, zuzenean, ETB-1en.
